Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

في الدرس دا حنتكلم عن مهرجان سنوي جميل ابتدا مؤخراً في مصر سنة ٢٠٠٩ وهو مهرجان ابو الهول. ابو الهول زي مانتوا عارفين هو احد أشهر معالم مصر السياحية و موجود بالقرب من أهرامات الجيزة التلاتة و على اسم ابو الهول اتسما المهرجان.
يلا بينا نتعرف على معلومات اكتر عن ابو الهول و مهرجانه.
تفتكروا امتى تم اكتشاف ابو الهول؟
حنوريكم الحل نهاية الفديو دا
مهرجان ابو الهول هو مهرجان سنوي ميعاده غير ثابت و لكن غالبا بيكون ما بين شهر أكتوبر و ديسمبر و بيستمر لمده ٥ ايام. المهرجان مكون من ورشات عمل لفنانين مشاهير عندهم مهارة و خبرة في مختلف الفنون الشعبية المصرية و مهتمين بالحفاظ على التراث المصري وبيشاكوا الاهتمام دا مع المشاركين في المهرجان عن طريق تعليمهم للفنون دي.
الهدف العام من المهرجان هو الحفاظ على التراث المصري من الفنون التقليدية و الشعبية ، زي الرقصات الفلكلورية، الأغاني التقليدية، المعاصرة و الكلاسيكية و غيرها. فمثلا بالنسبة للموسيقى و الأغاني بيبقى في هناك عروض لموسيقى و طبول الزار و عرض تاني للربابات الصعيدية و بعض العروض التانية لفرق الشباب الحديثة.
بالنسبة للرقصات فبيبقى في في المهرجان عرض تنورة و عرض رقصات فلكلورية من فرقة الفنان محمود رضا المشهورة و عروض تانية للرقص الشرقي المصري. عروض الرقص الشرقي هي من أهم فقرات المهرجان و اللي بيحرص كتير من الناس و خصوصا الأجانب المشاركة فيها.
مهرجان ابو الهول بيتمتع بشهرة كبيرة في وسط السياح الأجانب ، وفي ظل الأوضاع غير المستقرة اللي بتمر بيها مصر اضطرت إدارة المهرجان انها تعمل مهرجان وورشات عمل اون لاين على النت علشان أصدقاء المهرجان اللي نفسهم يحضروه بس مش قادرين ييجوا مصر يقدروا يستمتعوا بفقرات المهرجان.
ودلوقتي نشوف مع بعض حل السؤال اللي سألناه من شويه
تفتكروا امتى تم اكتشاف ابو الهول؟
ابو الهول تم اكتشافه لما جت الحملة الفرنسيه (1798-1801) مصر ، كان جسم أبو الهول متغطى بالرمله، وقتها المصرولوجى الكبير مارييت زاح عنه الرمله و بان كل الجسم زى ما بيتشاف النهارده.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانتوا كمان ابعتوا قولولنا هل عندكوا مهرجانات للفنون الشعبية زي مصر ؟
نرحب بتعليقاتكم على ArabicPod101.com
اشوفكم الحلقة الجاية !

3 Comments

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

وانتوا كمان ابعتوا قولولنا هل عندكوا مهرجانات للفنون الشعبية زي مصر ؟
Do you have festivals for popular arts like Egypt?

ArabicPod101.com
Friday at 08:18 PM
Your comment is awaiting moderation.

Hi Eric,


There are many homonyms (words that have different meanings depending on the context) in Arabic.


فقرة

can mean a vertebra, a part, a paragraph, or an event, among other things.


Nora

Team ArabicPod101.com

Eric
Monday at 10:36 AM
Your comment is awaiting moderation.

I looked up the word فقرة and it says that it means paragraph. Is there an explanation as to why it means part? Is a dialect thing or a mistake?