Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
تعالوا نتكلم في الحلقه دي عن يوم جميل بتستناه كل ام و هو يوم سبوع مولودها. يوم السبوع بيكون يوم جميل مليان بالبهجه و الفرحه وده لأنه اليوم اللي بتحتفل به الأسره بوجود عضو جديد في العيله و خصوصا لو كان ده اول امولود. طبعا السبوع بيكون مختلف في مصر عن اي مكان تاني.
هنتكلم في الحلقه دي عن المظاهر اللي بتميز السبوع المصري.
تفتكروا ليه بيدق المصريين الهون جنب ودن البيبي في السبوع ؟
حنوريكم الحل نهاية الفديو دا
السبوع عادة بيكون اليوم السابع من ولادة البيبي ، بيحضره الأب و الأم طبعا و الأهل و الأصحاب و كمان الجيران، أطفال العيله كمان بيكونوا اهم المدعوين, في الأول بيحطوا المولود في المنخل و الأم تعد برجليها من فوقه سبع مرات وبعدين يهزوا المولود في المنخل و يدقوا الهون .
في يوم السبوع بيمسك الأطفال الشمع المنورو يلفوا و يغنوا اغنية مشهوره اسمها ( حلقاتك برجالاتك) و كأنهم بيهنوا صاحبهم الصغير انه جه الدنيا و يقولوله يلا اكبر و العب معانا. بعد كده بنوزع على الأطفال هدايا السبوع اللي بتكون عباره عن حلويات و شيكولاته مكتوب عليها اهداء من البيبي الجديد.
بعض العائلات بتحضر اكل في يوم السبوع و خصوصا المسلمين و دي عادة اسمها في الإسلام (العقيقه) و البعض الآخر بيكتفي بتقديم الحلويات و الجاتوه و الشيكولاته. اللي بيميز السبوع في مصر الأغاني الجميله اللي بتتغنى مخصوص للمناسبه دي.
بنحرص على هز المولود في الغربال و ده علشان نقوله ان الدنيا غير مستقرة و انها هتهزه كتير و هتوديه من حال لحال.
ودلوقتي نشوف مع بعض حل السؤال اللي سألناه من شويه
تفتكروا ليه بيدق المصريين الهون جنب ودن البيبي في السبوع ؟
بيدق المصريين الهون جمب ودن المولود علشان ما يتخضش اما يكبر من الأصوات العالية الصاخبة اللي حيلاقيها طول حياته في الدنيا. بيعتقد ان عاده دق الهون موروثة من ايام الفراعنة.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يلا و انتوا كمان قولولنا ازاي بتحتفلوا بالمولود الجديد في بلدانكو؟
نرحب بتعليقاتكم على ArabicPod101.com
اشوفكم الحلقة الجاية !

1 Comment

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

ن قولولنا ازاي بتحتفلوا بالمولود الجديد في بلدانكو؟

How do you celebrate newborns in your country?