Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الدرس دا حنتكلم عن احتفال جميل في بداية السنة بيستناه الأقباط في مصر بفارغ الصبر و هو يوم عيد الميلاد المجيد او الكريسماس. الكريسماس هو يوم ميلاد السيد المسيح. فى الغرب ميعاده 25 ديسمبر ، اما فى مصر فبيحتفل بيه الأقباطلاأرتودكس يوم (7 يناير) و هو يوم اجازة رسمية.
يلا بينا نعرف مع بعض معلومات اكتر عن اليوم دا وازاي المسحيين في مصر بيحتفلوا بيه..
تفكروا ليه بينتشر اللونين الأحمر و الأخضر في الكريسماس ؟
حنوريكم الحل نهاية الفديو دا
عيد الميلاد يُعتبر تاني أهم الأعياد المسيحية على الإطلاق بعد عيد القيامة اللي حنتكلم عنه في حلقه تانية .ايام المماليك في مصر كان بيعتبر عيد الميلاد من أكبر الاعياد و كانت الكنايس بتتزين ، و كان السلاطين بيوزعوا فيه حلاوه و زلابيا و سمك بوري و هدايا على الامرا ، و كانت بتتعمل احتفالات و العاب ناريه. و كانت الناس في كل مصر بغض النظر عن الديانه بتشتري شمع ملون و فوانيس جميله كانوا بيعلقوها على الدكاكين و في الاسواق.
دايما في يوم الكريسماس بنلاقي احتفالات دينية وصلوات خاصة بالمناسبة. لكن مش بس كدا دا كمان في اجتماعات عائلية واحتفالات اجتماعية اهمها تزيين شجرة الكريسماس وتبادل الهدايا واستقبال بابا نويل وتناول عشا الكريسماس .
تعرفوا ؟ في أعداد كبيرة من غير المسحيين بيحتفلوا مع المسحيين في الكنايس بالمناسبة دي.
يعتبر عيد الميلاد من أكتر المناسبات اللي بيصرف فيها الناس فلوس. كمان في للمناسبة دي أغاني وموسيقة وأفلام ومسرحيات كتيرة و متنوعة .
تفتكروا مين اكتر فئة في المجتمع بتستنى الكريسماس بفارغ الصبر ؟
التجار هم اكتر فئة في المجتمع بتستنى الكرسماس لأنها فترة رائعة لاحتفالات أسر مصرية كثيرة دينيا واجتماعيا، ومناسبة تجمع شمل العائلات والأصحاب وبالتالي بيكتر تبادل الهدايا بينهم. من اكتر الهدايا المتابادلة في الفترة دي هي الهدايا الدهبية و الساعات والإكسسوارات الحريمي والشنط الجلدية والعطور.
ومن أشهر المناطق اللي بيشتري منها المسحيين لوازم العيد في مصر هي منطقة درب البرابرة.
علشان الكريسماس بييجي بعد صيام أربعين يوم بتزدحم الموائد الساعة ١٢ بالليل في مصر وقت عشا الكريسماس بألذ و أشهى المأكولات التقليدية الغنية اللي بتتوارثها الأجيال، زي الديك الرومي، والبط والأوز، وفطيرة اللحمة والفتة التي تتكون من الخبز والرز والثوم واللحم و الصلصة.
وعشان كدا ريحة الأكل الشهي بتنتشر في اغلب احياء مصر الساعة ١٢ بالليل.
ودلوقتي نشوف مع بعض حل السؤال اللي سألناه من شويه
تفكروا ليه بينتشر اللونين الأحمر و الأخضر في الكريسماس ؟
عادة يعتبر اللونين الأخضر والأحمر هما اللونين التقليديين للإشارة والرمز الكريسماس . السبب في دا يرجع لان اللون الأخضر بيرمز للحياة الأبدية خصوصًا مع استخدامه للأشجار دائمة الخضرة اللي مابتفقدش أوراقها، اما بالنسبة للأحمر فهو بيرمز للمسيح نفسه.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يا ترى انتوا كمان بتحتفلوا في بلدانكوا بالكريسماس زيينا ؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide