في الدرس دا حنتكلم عن عيد هو اهم عيد عند المسحيين في مصر و هو عيد القيامة. يطلق عليه برده عيد الفصح او حد القيامه.بيعتقد المسحيين في مصر ان اليوم دا رجع فيه المسيح من الموت بعد صلبه و موته تلت ايام. بنحتفل بالعيد دا في مصر يوم الأحد اللي قبل شم النسيم في بداية فصل الربيع. |
يلا بينا نتعرف مع بعض على معلومات اكتر و ازاي المسيحيين بيحتفلوا بالمناسبة دي في مصر |
تفتكروا ليه بيطلق على الاسبوع اللي قبل عيد القيامه اسبوع الآلام ؟ |
حنوريكم الحل نهاية الفديو دا |
عيد القيامة بيبجي بعد صيام خمسة و خمسين يوم بيصوم فيه المسحيين بالكامل عن اكل او شرب اي حاجة جاية من كائن حي، زي اللحوم ومنتجات الألبان و مشتاقاتها، بيسمي المسيحيين الصيام دا الصيام الكبير المقدس. عيد القيامه برده بييجي في نهاية اسبوع بيسميه المسيحيين اسبوع الآلام." |
تفتكروا ليه بيرتبط دايما عيد القيامه بشم النسيم ؟ زي ماشرحنا في درس قبل كدا شم النسيم هي مناسبة و عادة فرعونية قديمة موجودة من قبل وجود المسيحية. بعد انتشار الديانة المسيحية في مصر لقى المسيحيين مشكلة ان عيد شم النسيم بيقع دائماً داخل الصيام الكبير المقدس فكان فيه صعوبة خلال فترة الصوم في الإحتفال بعيد شم النسيم، بما فيه من انطلاق ومرح وأفراح ومأكولات.. علشان كدا شاف المصريون المسيحيون وقتها انهم يأجلواالاحتفال بشم النسيم إلى ما بعد فترة الصوم، واتفقوا على الاحتفال بيه في اليوم التالي لعيد القيامة المجيداللي بييجي دايماً يوم أحد، فيكون عيد شم النسيم يوم الإثنين اللي بعده. |
بيبدأ الاحتفال بعيد القيامه في مصر من الحد اللي قبله اللي بيطلق عليه حد السعف . |
حد السعف هو أول أيام أسبوع الآلام بيشتري فيه المسيحيين سعف النخيل من قدام أبواب الكنايس، وبيشكلوه بأشكال جميلة ويحتفظوا بيه للبركة ، تباركا بأن السيد المسيح وقت اما دخل القدس في زي اليوم دا استقبله أهلها وهما شايلين سعف النخيل ترحيبا بيه." |
دايما في يوم الأربع اللي قبل عيد القيامة بنلاقي أعداد كبيرة من المسلمين و المسيحيين في مصر بيروحوا ينزلوا البحر في مدينة العريش في سينا في وقت الغروب بهدف الاستشفاء، لان يُعتقد أن نبي الله أيوب نزل للبحر في هذه المنطقة للاستشفاء. |
ودلوقتي نشوف مع بعض حل السؤال اللي سألناه من شويه |
تفتكروا ليه بيطلق على الاسبوع اللي قبل عيد القيامه اسبوع الآلام ؟ |
بيسمي المسيحيين الاسبوع اللي قبل عيد القيامة اسبوع الآلام لأنهم بيعتقدوا ان دا الاسبوع اللي اتعذب واتصلب فيه السيد المسيح عليه السلام بعد دخوله القدس. |
ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
وانتوا كمان ابعتوا قولولنا ازاي بتحتفاوا بالمناسبة دي في بلدانكوا ؟ |
نرحب بتعليقاتكم على ArabicPod101.com |
اشوفكم الحلقة الجاية ! |
Comments
Hideوانتوا كمان ابعتوا قولولنا ازاي بتحتفاوا بالمناسبة دي في بلدانكوا ؟
How do you celebrate this occasion in your country?
Hi Constance,
Thank you for taking the time to write to us!
I wanted to let you know that you have control over the video speed. You can simply adjust it by clicking on the "1x" option beneath the video. Additionally, if you prefer to watch the video offline, you can download it and play it on your device using various player software.
If there's anything else we can assist you with during your studies, please feel free to ask us any questions here.
Sincerely,
Ali
Team ArabicPod101.com
Very fast speaking video. No way to follow it. I am sure it is interesting but can not understand it. It would be better if you send it as a link to youtube and we can regulate speed, stop it, and hear it slowly as many times as necessary. Thank you for the effort.