Learn all about Ramadan
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| اعزائي المشاهدين اهلا بكم. |
| انا بريهان |
| في الدرس دا حنتكلم عن احتفال جميل بيستناه المسلمين في كل انحاء العالم من السنة للسنة و هو الاحتفال بشهررمضان الكريم. رمضان هو الشهر التاسع في التقويم الاسلامي اللي بيعتمد على التقويم القمري عشان كدا بيختلف ميعاده كل سنة عن التانية. في الشهر دا بيصوم المسلمين عن الاكل و الشرب من وقت شروق الشمس للغروب . |
| في درس النهاردة حنتعرف على اهم عادات وتقاليد المصريين في رمضان! |
| تفتكروا ايه هي اكثر تحية منتشرة بين الناس في شهر رمضان؟ |
| حنوريكم الحل نهاية الفديو دا |
| بيهتم المصريين بزيادة العبادات والطاعات في شهر رمضان وبنلاحظ اهتمام خاص بصلة الرحم, عشان كدا بيحرص المصريين على تناول وجبة الفطار كل يوم مع الاهل والجيران والاصحاب في جو حب و مودة. رمضان في مصر بيشتهر برده بتعدد و تنوع اصناف الحلويات اللي بيستمتع بيها الاهل مع بعض بعد الفطار زي البسبوسة و الكنافة و القطايف. بعد الفطار بيحرص اغلب الناس على اداء صلاة طويلة تطوعية في الجوامع اسمها صلاة التراويح و بالرغم من طول مدة الصلاة وصعوبتها الا ان معظم الناس بيسمتعوا باداء الصلاة دي. |
| تعرفوا ان الفقرا ببيختفوا من مصر في رمضان؟ السبب في كدا يرجع لحاجتين |
| اول حاجة هي موائد الرحمن! موائد الرحمن هي |
| موائد إفطار جماعية مجانية في الشوارع و الميادين العامة، بيحضرها المصريين عشان يتقربوا من الله، عن طريق مساعدة الفقرا واللي مش قادرين على شرا اكل لنفسهم.السبب التاني هي شنط رمضان و هي شنط بيتبرع بها الاغنيا للاسر الفقيرة فيها احتياجاتهم من الاكل تكفيهم طول شهر رمضان. محتويات الشنطة غالبا بتكون رز و سكر و زيت و عدس و فول و بعض اللحوم او الفراخ. |
| في مهن جديدة بتظهر بس في رمضان زي مهنة المسحراتي .المسحراتي هو شخص بينادي على اهالي الحي قبل شروق الشمس بساعتين عشان يصحوا يتسحروا قبل بداية وقت الصيام. بينده اسماء اطفال الحي اسم اسم و بتحرص الاطفال على انهم يدوا المسحراتي اسمائهم عشان ينداهها. |
| في اغاني جميلة خاصة برمضان مش حتسمعوها إلا في رمضان بس. لو فتحت اي تلفزيون او راديو حتسمع على طول اغاني زي رمضان جانا او مرحب شهر الصوم حتى من قبل ما يبدأ الشهر. ببيفرح الاطفال بالاغاني دي و بيغنوها و هما بيلعبوا بالفوانيس. |
| ودلوقتي نشوف مع بعض حل السؤال اللي سألناه من شويه |
| تفتكروا ايه هي اكثر تحية منتشرة بين الناس في شهر رمضان؟ |
| اكثر تحية منتشرة بين الناس في شهر رمضان هي رمضان كريم |
| زي ما شرحنا من شوية بتكتر الاعمال الخيرية في رمضان وبيتسارع الاغنيا عشان يساعدوا الفقراء و المحتاجين, عشان كدا اي حد بيقابل حد في الشهر دا بيقله على طول رمضان كريم |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| وانت قولولنا ايه هي اهم الإحتفالات في بلدكوا ؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide