Learn all about Feast of the Sacrifice
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| اعزائي المشاهدين اهلا بكم. |
| انا بريهان |
| في الدرس دا حنتكلم عن عيد الأضحى المبارك وهو ثاني اهم عيدين عند الأمة الإسلامية. عيد الأضحى بيكون اليوم العاشر من شهر ذى الحجه بالتقويم الهجرى و بعد يوم عرفه ( وقفة عرفه) اللى هو من اهم مناسك الحج عند المسلمين |
| في درس النهاردة حنتعرف مع بعض على ازاي المصريين بيقضوا ايام عيد الأضحى المبارك |
| تعرفوا في كام اسم بيطلق على عيد الأضحى في مصر ؟ |
| حنوريكم الحل نهاية الفديو دا |
| يوم العيد و التلات ايام اللى بعده بتتسمى ايام النحر او الدبح . بيبدأ العيد بصلاة العيد في الصباح الباكر و بعدها بيروح الناس يدبحوا اضحياتهم , علشان بيعتبره المسلمين اليوم اللى طلب فيه الله من النبى ابراهيم انه يدبح ابنه اسماعيل كاختبار ليه , بس ربنا بعتله خروف عشان يفديه بيه , و عشان كده المسلمين فى ذكرى اليوم ده بيدبحوا خرفان أو مواشى تانيه و بيوزعوا جزء من اللحمه على الفقرا. |
| زي ما قلنا بيبدأ العيد بصلاة العيد اللي بتكون في ساحات خارجية كبيرة أو جناين ملحقة بالجوامع. بعدها بتبدأ عملية دبح الأضاحي على الشريعة الإسلامية وهي طريقة بتخلي أولا الخروف مايتعذبش و ثانيا بتخلي كل الدم يخرج من جسم الخروف علشان نقدر ناكل لحمة صحية و لذيذة. عادة بيأجر الناس جزارين يدبحلهم اضحيتهم لأن عملية الدبح صعبة و عايزة خبرة. |
| بعد اما بيخلص الجزارين الدبح بيقطعوا لحمة الخروف و يوزعوها على تلات اجزاء متساوية, تلت لصاحب الأضحية و تلت للأهل و التلت الأخير بيروح للفقراء و المحتاجين. الفقرا و المحتاجين بيستنوا اليوم دا علشان يقدروا ياكلوا لحمة اللي تمنها غالي و مابيقدروش يشتروها اغلب اوقات السنة. |
| دايما بيستغل الناس الأجازة الطويلة دي اللي احيانا بتمتد لخمس ايام و يسافروا اماكن جميلة زي الساحل الشمالي أو العين السخنة علشان يقضوا ايام العيد هناك , ولأن اصحاب المنتجعات عارفين كدا دايما بينظموا حفلات غنائية في نفس الوقت. |
| ودلوقتي نشوف مع بعض حل السؤال اللي سألناه من شويه |
| تعرفوا في كام اسم بيطلق على عيد الأضحى في مصر ؟ |
| في 3 اسماء بيطلقوا على عيد الأضحى , غير عيد الأضحى بيطلق عليه كمان العيد الكبير و عيد اللحمة. شرحنا في درس فات ليه بيطلق عليه العيد الكبير اما اسم عيد اللحمة فبيرجع لأن دا اليوم اللي اغلب الناس بياكلوا فيها لحمة . |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| وانتوا كمان ابعتوا قولولنا ازاي بتحتفلوا بعيد الأضحى في بلدكوا ؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide