Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الدرس دا حنتكلم عن عيد مهم عند كل المصريين لإنه بيرجع عمره لأكتر من 4700 سنة من ايام الفراعنة و هو عيد شم النسيم. بنحتفل بشم النسيم في فصل الربيع يوم الإتنين اللي بعد عيد القيامة .اسم شم النسيم جاي من كلمة شمو و هي كلمة هيروغليفية معناها عيد الخلق أو بعث الحياة و دا لأن النسيم بييجي دايما في الربيع اللي فيه الزهور بتتفتح و الزرع بيخرج من الأرض و له رمز الحياة.
في درس النهاردة حنتكلم عن ازاي المصريين بيحتفلوا بعيد شم النسيم !
تفتكروا ليه بياكل المصريين بيض و سمك في شم النسيم ؟
حنوريكم الحل نهاية الفديو دا
في شم النسيم بيخرج المصريين يحتفلوا في الجناين و بيركبوا الفلوكة في النيل و بيقضوا اليوم كله وسط الطبيعة مستمتعين بريحة الزهور اللي بتفتح في الربيع. المصريين القدماء كانو بيحتفلوا بشم النسيم بنفس الطريقة و كانوا بيعتبروه مهرجان شعبي بيبدأ مع طلوع الشمس.
الأطفال بيعملوا ايه يوم شم النسيم ؟ أهم حاجة بيعملها الأطفال يوم شم النسيم هي تلويين البيض . الأطفال بيستمتعوا بتلوين البيض بألوان مبهجة و بيرسموا عليه أشكال جميلة و مفرحة. ولأن الألوان الصناعية مضرة للأطفال دايما بيفضل استخدام الوان طبيعية في تلوين البيض, فمثلا في امهات بيغلوا الكركدية مع البيض عشان يطلعوا بيض لونه احمر , و ممكن يغلوه مع الكركم للون الأصفر.
تفتكروا المصريين بياكلوا ايه في اليوم ده؟ بيحرص المصريين على اكل الفسيخ و الرنجة و البصل في شم النسيم. الفسيخ و الرنجة هما نوعين من السمك المملح بيحضرهم المصريين بنفس الطريقة اللي كان الفراعنة بيحضروها بيها من الآف السنين.
بيبدأ المصريين يومهم يوم شم النسيم بانهم يشموا بصلة ويرموها و بعدها يشموا مكانها وردة. البصلة بترمز للسنة اللي فاتت بكل حاجة وحشة كانت فيها , اما الوردة هي رمز للسنة الجديدة اللي بنأمل انها تكون كلها ورود و تفاؤل و بهجة.
ودلوقتي نشوف مع بعض حل السؤال اللي سألناه من شويه
تفتكروا ليه بياكل المصريين بيض و سمك في شم النسيم ؟
البيض هو رمز للحياة لأن الكتكوت بيطلع من البيضة اما السمك فهو تعبير لحب المصريين و احترامهم لنهر النيل عشان كدا بيحب المصريين ياكلوا البيض و السمك في شم النسيم.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانت قولولنا ايه ازاي بتحتفلوا بعيد الفصج في بلدكوا ؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide