Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

في الدرس دا حنتكلم عن عيد فرعوني قديم احتفل بيه أجدادنا الفراعنة من الاف السنين و لسه المصريين بيحتفلوا بيه لحد دلوقتي و هو عيد وفاء النيل. ميعاد العيد مرتبط بوقت فيضان النيل وهو غالبا في النص التاني من شهر أغسطس كل سنة.
لا بينا نتعرف اكتر عن اسباب العيد و طرق الإحتفال بيه في مصر.
تفتكروا ليه قدس المصريين القدماء النيل؟
حنوريكم الحل نهاية الفديو دا
وفاء النيل معناه ان النيل وفى بالمياه الكافيه وقت فيضانه فى مصر.على مر التاريخ لعب النيل دورا كبيرا فى حياة المصريين. فمثلا اول قانون لحماية البيئة في التاريخ أصدر في عهد الملك حور محب وكان الهدف منه تجريم تلويث ميه نهر النيل.
وقر المصريين نهر النيل و اعتبروه اله من آلهتهم و سموه حابي, واعنبروا الإله حابي اله مزاجه متقلب وقت اما بيغضب بيرسل فيضان عالي يهدد بغرق الزرع اة فيضان منخفض يهدد بقلة الميه و بالمجاعة. علشان كدا كان لازم للمصريين القدماء انهم يرضوه بالقرابين و الهدايا و الاعياد للاحتفال بوفائه.
استمرت سلاطين مصر في العصور الوسطى في الإحتفال بوفاء النيل , فمثلا في عهد المماليك كانت بتخرج سفينة السلطان متزينه بالورد والأعلام ويستقبلوها الأمرا بالطبل والزمامير عند مقياس فيضان النيل وكانت بتتوصف الليلة دي بانها ليله من ليالى القاهره اللي مابتتنسيش. حديثاً تم تقديم أفلام عن وفاء النيل و عرائسه مثل فيلم عروس النيل . حاليا بيتم الإحتفال باليوم دا عن طريق اقامة عروض فرعونية في النيل بالزي الفرعوني على مراكب ليها طابع مصري قديم و بيكون مصاحب للعرض موسيقى و رقصات فرعونية.
كانت عقوبة اللي يلوث نهر النيل عند المصريين القدماء و بالتحديد في عهد الملك العظيم حور محب انه تتكسر أنفه و السبب في كدا ان كان في اعتقاد سائد في الوقت دا ان اللي عند عيب في جسمه مش حيدخل الجنة.
ودلوقتي نشوف مع بعض حل السؤال اللي سألناه من شويه
تفتكروا ليه قدس المصريين القدماء النيل؟
قدس المصريين القدماء النيل بإعتباره مصدر الحياه والخير فى مصر. رمز المصريين القدامى للنيل باله سموه الاله حابى تخيلوه على هيئة رجل جسمه قوى و له صدر بارز و بطن ضخمه كرمز لاخصابه.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانتوا يلا ابعتوا قولولنا هي في مكان في بلدكوا تم تقديسه و اتعمله عيد زي نهر النيل في مصر ؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide