Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
تعالوا نتعرف مع بعض على حدث كلنا بنستناه في فصل الصيف ، الحدث ده هو المصيف . المصيف في مصر بيكون حاجه مختلفه، المصيف في مصر يعني عيله و صحاب و ضحك و لعب و هيصه وسهر و حاجات تانيه كتير هنتكلم عليها في الحلقه دي .
يلا بينا نتكلم مع بعض على عادات و تقاليد المصريين في المصيف.
تفتكروا ايه اكتر حاجه الناس بتحب تاكلها على شط البحر ؟
حنوريكم الحل نهاية الفديو دا
المصيف هي الفترة اللي بتستناه العائلات المصريه طول السنه ، و ده لأنه هو الحاجه الوحيده اللي بتهون عليهم تعب السنه كله سواء كان شغل او دراسه او ضغوط الحياه المختلفه . المصيف دايما بيكون من اول شهر يونيه و لغاية شهر سبتمبر. و لكن اكتر شهر بيكون زحمة بالمصيفين هو شهر اغسطس و ده لأنه هو أشد الشهور حراره في الجو.
احلى حاجه في المصيف هى لمة العيله و الأصحاب. في المصيف بنلاقي كل الناس بتسهر لحد الفجر
، الشوارع بتكون منوره و كمان المحلات و خصوصا محلات الأكل بتفتح لحد الصبح. انتوا عارفين ان الشوارع في المصيف بتكون فاضيه طول النهار و ده علشان الناس بتنام قرب الفجر . من اكتر الحاجات اللي بنشوفها في المصيف هى ركوب العجل و مؤخرا بقت ركوب البيتش بجي .بيستمتع الكبار و الأطفال بلعب الكوره في المصيف و ممارسة رياضات تانيه كتير، منها الرياضات المائيه زي التزحلق على الماء و غيرها من الرياضات الترفيهيه.
اهم حاجه في المصيف هو شط البحر . مينفعش يعدي يوم في المصيف من غير منروح البلاچ ، دايما بعد ما بنصحى من النوم بنبدأ نستعد علشان نروح البلاج ، الأطفال بيلبسوا المايوهات و بيجهزوا الألعاب البحريه بتاعتهم اللي بيلعبوا بيها في الرمل ، و الأمهات بيجهزوا الأكل و السندويتشات اللي بياخدوها معاهم هناك علشان الأطفال ياكلوها بعد ما يطلعوا من البحر . و كمان الشباب بياخدوا معاهم الكوره و مضارب الراكت علشان يلعبوا بيها على الشط.
الناس بتاكل كتير في المصيف و نفسها بتتفتح على الأكل و ده بيرجع لنسبة اليود العاليه اللي في الجو في الأماكن اللي فيها بحر.
ودلوقتي نشوف مع بعض حل السؤال اللي سألناه من شويه
تفتكروا ايه اكتر حاجه الناس بتحب تاكلها على شط البحر ؟
الفريسكا من اكتر الحاجات الجميله اللي الناس بتحب تاكلها على شط البحر و هي عباره عن حلوى معموله من البسكوت و العسل.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يلا و انتوا كمان قولولنا بتعملوا ايه في فترة الصيف عندكوا ؟
نرحب بتعليقاتكم على ArabicPod101.com
اشوفكم الحلقة الجاية !

3 Comments

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

يلا و انتوا كمان قولولنا بتعملوا ايه في فترة الصيف عندكوا ؟

Send us messages telling us - what do you do during summer time in your country?

ArabicPod101.com Verified
Monday at 10:04 PM
Your comment is awaiting moderation.

Hi Gordon,


You can always refer to the lesson introduction to know which dialect a series is in. This lesson is in Egyptian Arabic.


Can you please take a screenshot of the interface problem and send it to us at contactus@ArabicPod101.com


Thank you for your patience, Gordon!


Nora

Team ArabicPod101.com

Gordon
Friday at 01:43 AM
Your comment is awaiting moderation.

the English translation is obscured by the tool bar at the bottom of the screen for much of the lesson.

Is Egyptian or Std Modern? You should say which at the start.