Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
الدرس دا حيحبه عشاق الرياضة جداً، لأننا حنتكلم عن مسابقة بتنظم في مصر كل سنة في شهر اكتوبر و هي مسابقة يطلق عليها رالي الفراعنة. رالي الفراعنة هي مسابقة للسيارات بتقام على الرمال المصرية.
يلا بينا مع بعض نتعرف على معلومات اكتر عن المسابقة دي.
تفتكروا فين المقر الرئيسي لرالي الفراعنة؟
حنوريكم الحل نهاية الفديو دا
رالي الفراعنة هي مسابقة للعربيات،الموتوسيكلات و الشاحنات الكبيرة بيتنافس فيها المتسابقين على اختراق الضاحية. رالي الفراعنة ابتدى من اكتر من ٢٥ سنة بفكرة لتلت اصحاب محبي لرياضة سباق السيارات و هو الان احد الأعضاء و المشاركين في مسابقة كأس العالم لراليات اختراق الضاحية الدولية بشكل منتظم.
طبعا لان الرالي بيقام على صحراء مصر اللي بيكون الجو فيها حر جداً في فترة الصيف و بيقى في احتمال لحدوث عواصف ترابية ، بتحدد اللجنة المنظمة للرالي ميعاد السباق في و قت يكون فيه الجو حلو و كمان تكون نسبة حدوث عواصف ترابية قليلة جداً علشان يستمتع المتسابقين بالرالي.
رالي الفراعنة بيصنف انه احد رياضات المغامرات ، غالبا بتقطع العربيات مسافة في حدود ٥٠٠ كيلومتر و الموتوسيكلات بتقطع مسافة ٢٥٠ كيلومتر ، علشان كدا بيشترط على المتسابقين انه يكون معاهم بنزين يكفي للمسافة دي وكمان بيفضل انهم يكون معاهم تليفونات ساتالايت علشان مابيبقاش في تغطية لشبكات المحمول في اغلب أماكن المسابقة.
جذبت مسابقة رالي الفراعنة الانتباه لسياحة الصحراء في مصر، و بفضلها زاد اهتمام السياح بزيارة الواحات و تقضية أوقات جميلة مستمتعين برحلات السفاري و رياضة التزحلق على الرمال.
ودلوقتي نشوف مع بعض حل السؤال اللي سألناه من شويه
تفتكروا فين المقر الرئيسي لرالي الفراعنة؟
طبعا كتير منكم حيخمن ان المقر الرئيسي لمسابقة زي دي حيكون اكيد في مصر، ولكن الحقيقة المقر الرئيسي موجود في تورينو في إيطاليا .
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يلا وانتوا ابعتوا قولولنا ايه الرياضة اللي بتشتهر بيها بلدكوا؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide