Learn about the Cairo International Book Fair
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| اعزائي المشاهدين اهلا بكم. |
| انا بريهان |
| تعالوا نتكلم في حلقة دي عن حدث ثقافي مهم بيحصل في مصر كل سنه وهو معرض القاهره الدولي للكتاب، معرض الكتاب يقام كل سنه في أجازة نص السنة ،ناس كتير اوي بتزور معرض الكتاب حوالي ٢ مليون زائر كل سنه. |
| في الدرس دا حنعرف معلومات أكتر عن معرض الكتاب و تاريخة في مصر. |
| تفتكروا مين اللي كان ليه الفضل في الإشراف على إقامة اول معرض للكتاب؟ |
| حنوريكم الحل نهاية الفديو دا |
| معرض القاهرة الدولي للكتاب من أكبر معارض الكتاب في الشرق الأوسط ، أول مرة أقيم المعرض ده كان في سنه ١٩٦٩، في الوقت ده كانت القاهرة بتحتفل بعيدها الألفي فقرر وزير الثقافه في الوقت ده انه يحتفل بعيد القاهرة عن طريق إقامة أول معرض للكتاب. |
| زي ما قلنا قبل كده ان معرض الكتاب بيقام في أجازة نص السنه في نهاية شهر يناير و في الغالب بيكون يوم الأربعاء ، مدة المعرض بتكون حوالي ١٢ يوم و ساعات بيمدوه ٣ أيام و ده علشان إقبال الناس عليه،يعني بيكون حوالي أسبوعين ، أول يوم بيكون الإفتتاح الرسمي و تاني يوم بيكون للناشرين و بعد كده بيكون للزوار. |
| معرض الكتاب يعتبر أكبر ملتقى ثقافي في الشرق الأوسط ، بيشارك فيه ناشرين من مختلف الدول العربيه و كمان الأجنبيه، بيقام فيه كتير من الندوات الثقافيه ،مش بس كده لا كمان بيتعمل فيه عروض سينما و مسرح و فنون تشكيليه و كمان فنون موسيقيه. تعرفوا! في سنة ٢٠٠٦ معرض القاهره الدولي للكتاب كان تاني أكبر في العالم معرض بعد معرض فرانكفورت للكتاب. |
| بما أن معرض الكتاب بيكون في أجازة نص السنه ، زواره مش بس بيكونوا كبار و مثقفين لا ده بيعتبر فسحة جميله لكل أفراد الأسره حتى الأطفال اللي بيلاقوا فيه لعب جميله تناسب سنهم و تنمي عقليتهم |
| ودلوقتي نشوف مع بعض حل السؤال اللي سألناه من شويه |
| تفتكروا مين اللي كان ليه الفضل في الإشراف على إقامة اول معرض للكتاب؟ |
| الفضل في الإشراف على إقامة أول معرض للكتاب في القاهرة يرجع للكاتبه و الباحثه الدكتوره سهير القلماوي اللي كانت أول فتاه تلتحق بجامعة فؤاد الأول اللي هي جامعة القاهرة حاليا و كانت أول امرأه مصريه تحصل على دكتوراه في الأدب و علشان كده في دورة ٢٠٠٨ احتفلوا بالقلماوي كشخصية العام. |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| يلا و انتوا كمان ابعتوا و قولولنا هل في عيد للقراءة في بلدكوا ؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide