Learn all about Day of Arafah
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| اعزائي المشاهدين اهلا بكم. |
| انا بريهان |
| في الدرس دا حنتكلم عن يوم ليه مكانة خاصة عند المسلمين و هو يوم عرفه. اليوم دا يوافق 9 من شهر ذو الحجة وهو الشهر الإتناشر في التقويم الإسلامي القمرى. بيقف الحجاج يوم عرفة بجبل يطلق عليه عرفة أو عرفات وهو مكان قريب من مكة المكرمة في السعودية. |
| يلا بينا تنعرف اكتر على احداث اليوم دا و مدى أهميته عند المسلمين. |
| تفتكروا ليه اتسما يوم عرفه بالإسم دا ؟ |
| حنوريكم الحل نهاية الفديو دا |
| شهر ذو الحجة هو الشهر اللي بيحج فيه المسلمين كل سنة للكعبة المشرفة الموجودة في مكة في المملكة العربية السعودية. من احد مناسك الحج و اللي من غيره مابيكتملش الحج هو يوم عرفه او الوقوف بجبل عرفه. الحجاج من كل أنحاء العالم بيقفوا عند الجبل دا يدعوا الله و يبتهلوا و يطلبوا منه كل ما يتمنوه. |
| عرفة هو أبعد المشاعر المقدسة من مكة لأن الجبل بيبعد عنها 22 كم، و كمان هو خارج حدود الحرم. في اليوم دا يعتقد المسلمين ان الله بيستجيب الدعوات و بيغفر الذنوب علشان كدا بيحرص كل غير الحجاج من المسلمين انهم يصوموا اليوم دا لأنه بيعتقد انه بيغفر ذنوب السنة اللي قبلها و السنة اللي بعدها. |
| شعائر اليوم دا بتبدأ بعد اما بيصلي الحجاج صلاة الفجر في مكان اسمه مِنى بيبعد 7 كم عن مكة ، بينتظروا لشروق الشمس بعدها بيبدأوا طريقهم لعرفة وهما بيرددوا أذكار و ابتهالات وأدعية. ، بيقضي الحجاج النهار كله لحد غروب الشمس، وبيتخلل اليوم خطبة يلقيها إمام الحجاج قبل وقت صلا الضهر. |
| بتحرص كل الأمهات في يوم عرفه انهم يشتروا لأولادهم هدوم خروج و بيچامات جديدة قبل عيد الأضحى، و بيخلوهم يلبسوا البيچامات يوم عرفه في ليله العيد علشان بتبقى فرصة يشرحولهم فضل اليوم دا ايه. |
| ودلوقتي نشوف مع بعض حل السؤال اللي سألناه من شويه |
| تفتكروا ليه اتسما يوم عرفه بالإسم دا ؟ |
| كلمه عرفه مشتقة من التعارف ، مفيش معلومة أكيدة عن سبب تسمية اليوم، بعض الباحثين بيقولوا ان السبب ان الناس بيتعارفوا في اليوم دا، البعض التاني بيقول ان السبب أن آدم عليه السلام لما نزل للأرض اول مرة هو وحواء اتقابلوا في المكان دا فعرفها وعرفته وعلشان كدا اتسما المكان بعرفه ! |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| وانتو يلا ابعتوا قولولنا هل كان عندكوا معلومات عن اليوم دا قبل كدا؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide