Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الحلقة دي هنتعرف مع بعض على مناسبه دينيه بيحتفل بيها المسلمين في مصر، هي يوم عاشورا،
من اسمه هو اليوم العاشر من شهر محرم، عاشورا يوم بيقدسه كتير من المسلمين المصريين و ده لأنه حصل فيه أحداث تاريخيه كتيره.
هنتكلم في الحلقه دي عن تاريخ الإحتفال باليوم دا واهم احداثه.
تفتكروا المصريين ايه المسابقة اللي بتحصل بين ربات البيوت في يوم عاشورا ؟
حنوريكم الحل نهاية الفديو دا
عاشوراء هو يوم تاريخي مهم لأنه يوم استشهاد الحسين حفيد الرسول محمد -عليه الصلاة والسلام-. في اليوم ده كمان ربنا نجى سيدنا موسى -عليه السلام- من عدوه،علشان كده اليهود بيصوموا يوم عاشورا . بيختلف اسباب احتفال الناس باليوم دا من دولة للتانية , في مصر بنحتفل باليوم دا لذكرى نجاة سيدنا موسى عليه السلام من فرعون مصر اللي كان عايز يقتله.
بيصوم المسلمين في يوم عاشوراء سنهعن النبي و علشان صيام يوم عاشورا له فضل كبير جدا فهو بيمحي ذنوب سنه فاتت، المسلمين مش بس بيصوموا يوم عاشوراء لا كمان بيصوموا يوم تاسوعا اللي هو اليوم التاسع من محرم زي ما وصانا النبي محمد,علشان نخالف اليهود في صيامهم ليوم عاشورا.
طبعا زيه زي أي مناسبه اسلاميه او اجتماعية بيحرص فيها المسلمين انهم يتصلوا ببعض في اليوم ده علشان يهنوا بعض وكمان يصلوا رحمهم. كمان بيكتر في اليوم ده أعمال الخير و العبادات. الجميل في اليوم دا ان المسحيين كمان بيشاركوا المسلمين في احتفالهم و بيتبادلوا اطباق الحلويات و بكدة بتتحول المناسبة من مناسبة دينية لمناسبة اجتماعية.
من أشهر الحاجات اللي بيعملوها المصريين في اليوم ده هي أكله اسمها العاشورا, اتسمت على اسم اليوم وهيه عباره عن قمح بالنشا و اللبن و المكسرات بنخلطهم مع بعض على النار و بتبقى أكلة لذيذة جدا بيحبها الكبار و الصغييرين كمان.
ودلوقتي نشوف مع بعض حل السؤال اللي سألناه من شويه
تفتكروا المصريين ايه المسابقة اللي بتحصل بين ربات البيوت في يوم عاشورا ؟
دايما في كل بيت بتتنافس ربات البيوت على أحلى طبق عاشورا, في عادة مصرية في يوم عاشورا هي تبادل ربات البيوت لأطباق حلوى العاشورا و بعدها يقعدوا مع بعض يدوقوا و يقرروا مين اللي عملت أحلى طبق عاشورا السنة دي.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يلا ابعتوا قولولنا هل في مسابقة بين ربات البيوت في المناسبات زي مصر في بلدكوا؟
نرحب بتعليقاتكم على ArabicPod101.com
اشوفكم الحلقة الجاية

1 Comment

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

يلا ابعتوا قولولنا هل في مسابقة بين ربات البيوت في المناسبات زي مصر في بلدكوا؟

In your country, do you have a competition between housewives like this one in Egypt?