Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
هنتكلم في الحلقة دي عن عيد الثوره، ثورة ٢٣ يوليو سنة ١٩٥٢. بنحتفل في مصر في يوم 23 يوليو من كل سنة بالثورة اللي حررت مصر من الملكيه و اللي قام بيها مجموعه من ظباط جيش مصر اسمهم الظباط الأحرار .
هنتكلم في الحلقه ده على مظاهر احتفال المصريين بعيد الثورة.
تفتكروا ايه اكتر إنجازات الثورة اللي فرح بيها الشعب المصري ؟
حنوريكم الحل نهاية الفديو دا
ثورة ٢٣ يوليو تعتبر حدث من اهم الأحداث السياسيه اللي حصلت في تاريخ مصر، الثورة مش بس عملت تغيير سياسي في مصر لا كمان عملت تغيير اجتماعي و ثقافي و اقتصادي و علمي . فهنلاقي ان بعد الثورة مصرأصبحت جمهوريه بقيادة أول رئيس لجمهورية مصر العربيه اللوامحمد نجيب بعد ما كانت ملكيه أيام الملك فاروق اللي تم اجباره على التنازل عن الملك و تم ترحيله إلى ايطاليا.
بعد الثورة مصربقت تتمتع بمجانية التعليم الأساسي و كمان مجانية التعليم العالي. حققت ثورة ٢٣ يوليو المساواه بين الشعب المصري و إلغاء الطبقيه.الثوره كان ليها تأثير على المستوى الثقافي وده عن طريق إنشاء مراكز ثقافيه . من أول و أهم انجازات الثورة هي القضاء على الإستعمار الإنجليزي بعد استعمار دام اكتر من اربعه و سبعين سنه.
مصر بتحتفل بعيد الثورة لغاية دلوقتي ، اليوم ده بيكون أجازه رسميه في المصالح الحكوميه ، هنلاقي ان على مر العصور من أول عهد بعد الثورة لحد دلوقتي مصر بتعمل إحتفالات في اليوم ده عن طريق أغاني وطنيه بيغنيها المطربين من زمان زي عبد الحليم حافظ في أوبريت الثورة اغاني تانيه كتير، التليفزيون المصري بيعرض أفلام عن فترة الثورة و إنجازاتها في يوم عيد الثورة.
بسبب شعبية الرئيس الراحل جمال عبد الناصر و حب الناس ليه أصبح المصريين يطلقوا على الثورة ثورة جمال و نسبوها ليه رغم أنه مكانش هو الوحيد اللي قام بيها, كمان ظهرت أغاني وطنية كتيره بتغني لجمال عبد الناصر.
ودلوقتي نشوف مع بعض حل السؤال اللي سألناه من شويه
تفتكروا ايه اكتر إنجازات الثورة اللي فرح بيها الشعب المصري ؟
اكتر انجازات الثوره اللي فرح بيها الشعب المصري هي تأميم قناة السويس فأصبحت ملك للأمه و الشعب المصري بعد ما كانت تحت سيطرة الإحتلال.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
يلا و انتوا كمان ابعتوا قولولنا ايه اكتر مناسبة قومية بتعتز بيها بلدكوا ؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide