Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الدرس دا حنتكلم عن عيد بتحتفل بيه اغلب بلدان العالم في نفس اليوم و هو عيد العمال. عيد العمال بيطلق عليه برده اسم اليوم العالمي للعمال او يوم العمل.
تعالوا نتعرف مع بعض على معلومات اكتر عن اليوم دا و ازاي بيحتفل بيه العمال
تفتكروا فين و امتى كان اول احتفال بعيد العمال؟
حنوريكم الحل نهاية الفديو دا
عيد العمال الهدف الأساسي منه هو المطالبة بتحسين أوضاع العمل و إجبار الدول على الالتزام بحد أدنى للأجور و حد أقصى لعدد ساعات العمل. ابتدت دول كتيرة في سنين مختلفة في الاستجابة لمطالب العمال و تحويل يوم ١ مايو كعيد للعمال و ذكرى سنوية بتحتفل بيه بمجهوداتهم و تعبهم طول السنة اللي فاتت.
ابتدت مصر الاحتفال بعيد العمال سنة ١٩٢٤، ساعتها نظم اتحاد عمال محافظة الاسكندرية احتفال كبير للعمال و لكن بشكل غير رسمي. اما بعد ثورة ٢٣ يوليو سنة ١٩٥٢ و اللي حنتكلم عليها في حلقة تانية، اخد الاحتفال شكل رسمي و تأييد من الرئيس جمال عبد الناصر اللي كان مؤيد كبير لحقوق العمال. و في سنة ١٩٦٤ كان اول مرة يصدر قرار ان ١ مايو من كل سنة هو اجازة رسمية في البلد بمناسبة عيد العمال.
الاحتفال بعيد العمال في مصر بيكون بإن رئيس الجمهورية بيقول خطاب في حضور ممثلي النقابات العمالية المختلفة، بيكرم القيادات العمالية و النقابية القدام اللي كان ليهم اثر إيجابي في تحسين أوضاع العمال. بالاضافة للخطاب بيعرض التليفزيون برامج توعية بأهمية العمال و بتظهر مدى الحب و التقدير و الاعتزاز بيهم.
اتعود العمال على مدار السنوات اللي فاتت انهم يقدموا مطالب و شكاوى للرئيس في عيدهم ، و لكن لأول مرة في تاريخ عيد العمال اتفاجأ الرئيس الحالي انهم قدموله شكر و تعهد انهم يبذلوا أقصى جهدهم للعمل على رفعة الوطن
ودلوقتي نشوف مع بعض حل السؤال اللي سألناه من شويه
تفتكروا فين و امتى كان اول احتفال بعيد العمال؟
اول احتفال بعيد العمال كان عام ١٨٨٦ في ولاية شيكاغو في أمريكا ، وقتها نظم العمال إضراب للمطالبة بتحسين أوضاع الشغل و تقليل ساعات العمل.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانتو ابعتوا يلا قولولنا امتى اول مرة ابتدت بلدكوا تحتفل بعيد العمال؟
نرحب بتعليقاتكم على ArabicPod101.com
اشوفكم الحلقة الجاية

1 Comment

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

وانتو ابعتوا يلا قولولنا امتى اول مرة ابتدت بلدكوا تحتفل بعيد العمال؟

When did your country start to celebrate Labor Day?