Learn all about Revolution Day, which falls on January 25
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| في الدرس دا حنتكلم عن يوم مهم في تاريخ مصر الحديث و هو يوم ٢٥ يناير سنة ٢٠١١ ، في اليوم دا انتفض الشعب المصري و ثار علىالنظام الحاكم اللي حكم لمدة ٣٠ سنة بدون اي تطور ملحوظ في البلد. |
| يلا بينا نتعرف مع بعض على اهم احداث الفترة دي و ازاي المصريين بيحتفلوا بيه حاليا! |
| تفتكروا الرئيس المصري السابق حسني مبارك اتنازل عن الحكم بعد كام يوم ؟ |
| حنوريكم الحل نهاية الفديو دا |
| ثورة 25 يناير هيا ثوره شعبيه إبتدت فى مصر يوم 25 يناير سنة 2011 علشان تبين إعتراض الناس اللى شاركو فيها على قلة الحريات السياسيه و حالة الطوارئ و زيادة الفقر و صعوبة وجود فرص الشغل و وحشية البوليس ، والافتقار للسكن ، و غلو العيشه و إرتفاع أسعار الأكل ، و إنتشار الفساد ، و عدم وجود انتخابات حره نضيفه و انعدام حرية التعبير و سوء الأحوال المعيشية |
| كانت الثورة التونسية هي شرارة البدء لتحريك مشاعر الشارع المصري فنظم كتير من الشباب مسيرات و مظاهرات سلمية يوم ٢٥ يناير عن طريق مواقع التواصل الاجتماعي زي الفيس بوك و تويتر. بعد كدا حصلت سلسله من المظاهرات فى الشوارع والاحتجاجات و أعمال العصيان المدنى و دى كانت أكبر مظاهرات شافتها مصر من اكتر من ٣٠ سنة. |
| أدت المظاهرات الطويلة اخيراً لتنازل الرئيس السابق عن الحكم و إسقاط النظام الفاسد. من بعد ٢٠١١ اصبح يوم ٢٥ يناير اجازة رسمية في مصر بيحتفلوا بيه المصريين عن طريق التجمع السلمي لاعداد كبيرة من المصريين في الميادين العامة و خاصة ميدان التحرير اللي اصبح أشهر من نار على علم بعد الثورة. غالبا بيقام مسارح خشبية في الميادين العامة للفرق الموسيقية اللي بتغني أغاني وطنية علشان يحتفل الناس بذكرى ثورتهم. |
| تعرفوا ان فيه موقعة حصلت خلال ايام الثورة اسمها موقعة الجمل؟ دا لان أنصار النظام حاولوا يفضوا الاعتصامات عن طريق إرسال ناس على جمال و حصنة علشان يخوفوا الناس و يخلوهم يرجعوا لبيوتهم ! |
| ودلوقتي نشوف مع بعض حل السؤال اللي سألناه من شويه |
| تفتكروا الرئيس المصري السابق حسني مبارك اتنازل عن الحكم بعد كام يوم ؟ |
| اتنازل الرئيس المصري السابق حسني مبارك يوم ١١/٢ بعد ١٨ يوم مظاهرات قال فيها للشعب اكتر من خطاب علشان يحاول يهدي الأوضاع و لكنه فشل واضطر للتنازل في النهاية. |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| وانتوا قولولنا هل مرت بلادكوا بأحداث مشابهة قبل كدا ؟ هل كان عندكوا موقعة جمل زيينا ؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide