Learn all about Sinai Liberation Day
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| دلوقتي هنتكلم عن يوم مهم في تاريخ مصر و هو يوم عيد تحرير سيناء و ده بيكون يوم ٢٥ ابريل من كل سنه .انتوا عارفين ان اليوم ده بيكون اجازه رسمي في مصر يعني كل المصالح الحكوميه بتكون اجازه .في اليوم ده مصر استردت ارض سينا و خرج منها اخر جندي اسرائيلي بعد معاهدة كامب ديفيد |
| في الدرس دا حنتعرف مع بعض على معلومات اكتر عن عيد تحرير سينا و ازاي بنحتفل بيه ! |
| تفتكروا سينا موجودة فين في الكرة الأرضية؟ |
| حنوريكم الحل نهاية الفديو دا |
| زي ما قلنا قبل كده ان يوم تحرير سينا هو اليوم اللي اتحررت فيه ارض سينا ما عدا طابا من الاحتلال الاسرائيلي و ده كان في سنه ١٩٨٢ و استردينا طابا بعدها في سنه ١٩٨٨ في عهد الرئيسالسابق حسني مبارك. انتوا عارفين! سينا كانت محتله من سنه ١٩٦٧ بس الجيش المصري فضل يجاهد بكل الطرق لاستردادها. |
| ارض سينا بقت رمز للسلام و ده علشان تم استردادها بعد اتفاقية السلام . ارض سينا بتتميز بجمالها و سحرها و طبيعتها الخلابه و كمان بتتميز برمالها الذهبيه و بحرها الرائع و جبالها الشامخه .تعتبر سينا و طابا من اجمل الاماكن السياحيه اللي بيزورها السياح من جميع انحاء العالم و بيمارسوا فيها كتير من الرياضات البحريه. |
| تتميز منطقة سينا بالسياحه العلاجيه ,فهنلاقي كتير من السياح بييجوا من انحاء العالم بغرض الاستشفاء من امراض زي الصدفيه و ده لأنهم اكتشفوا ان مية البحر الاحمر و الشعب المرجانيه اللي فيه بتساعد على الاستشفاء من بعض الامراض الجلديه |
| سينا ليها اسماء كتيرة زي مثلا أرض الفيروز ودا لأن بحرها بيتمتع بلون فيروزي رائع , سينا برده بيطلق عليها ارض الزيتون و دا لأن فيها أجود أنواع شجر الزيتون اللي بينتج ألذ انواع الزيتون و زيت الزيتون. |
| ودلوقتي نشوف مع بعض حل السؤال اللي سألناه من شويه |
| تفتكروا سينا موجودة فين في الكرة الأرضية؟ |
| ارض سينا تمتلك موقع استراتيجي ودا لأنها حلقة الوصل بين قارة اسيا وقارة افريقيا ....بين مصر و الشام .. بين المشرق العربي و المغرب العربي |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| وانتوا ابعتوا قولولنا هل في منطقة في بلدكوا ليها عيد خاص كدا زي سينا؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide