Learn all about Mother's Day
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| في درس دا هنتكلم عن يوم مهم اوي بنستناه كل سنه يوم بنحاول نعبر فيه عن حبنا و تقديرنالأمهاتنا هو يوم عيد الام. طبعا مهما عملنا مش هنقدر نوفي امهاتنا حقهم بس ده حاجه بسيطه بتحسسهم بقد ايه هما مهمين في حياتنا . |
| في درس دا حنعرف مع بعض ازاي بنحتفل باليوم الجميل دا في مصر. |
| تفتكروا ايه الأعمال الخيريه اللي ممكن نعملها في يوم زي ده ؟ |
| حنوريكم الحل نهاية الفديو دا |
| عيد الام ده عيد ظهر حديثا في أول القرن العشرين و كان أول من فكر في عيد للأم في العالم العربي هو الصحفي الراحل علي أمين – مؤسس جرنال أخبار اليوم مع اخوه مصطفي امين. اقترحوا يوم من أيام السنة يسموه ‘يوم الأم’ وطلبوا انه يكون عيد قومي في مصر وكان هو يوم 21 مارس لأنه أول يوم في فصل الربيع. |
| بنحرص كلنا في اليوم ده اننا نجيب هدايا مش بس لأمهاتنا لا كمان جداتنا و خالاتنا و اي حد كان له دور مهم في حياتنا و ساهم في تربيتنا زي المدرسات مثلا .بنعود الأطفال وهم صغيرين انهم يجيبوا هديه لأمهاتهم ممكن تكون هديه رمزيه بس بالنسبه للأم بتكون كبيره اوي و بتفرحها جدا. |
| من زمان في اغاني مصريه اتعملت مخصوص علشان الأم زي اغنية ( صباح الخير يا مولاتي ) للفنانه سعاد حسني و اغاني تانيه كتير و بنلاقي كتير من المدارس بتحرص على اقامة احتفال خاص بعيد الأم و في الإحتفال ده الأطفال بيغنوا اغاني مخصوصه للأم و بيعملوا رقصات عليها . بيعلموا الأطفال في المدارس برده انهم يعملوا كروت معايده و بيكتبوا عليها اهداء لأمهاتهم و لما بيرجعوا البيت بيفاجؤا امهم بيها. |
| في يوم عيد الام محلات الورود بتملا الشوارع و بيعملوا كرنفال للزهور و كمان محلات الحلويات بيعملوا احلى حلويات على شكل قلوب مخصوصه لعيد الام. |
| ودلوقتي نشوف مع بعض حل السؤال اللي سألناه من شويه |
| تفتكروا ايه الأعمال الخيريه اللي ممكن نعملها في يوم زي ده ؟ |
| فيه ناس كتير بتعمل خير و بتروح دور المسنين عشان يزوروا الأمهات اللي اولادهم سابوهم او اللي معندهمش اولاد و يحسسوهم بالاهتمام و الحب |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| يلا انتوا كمان ابعتوا قولولنا ازاي بتحتفلوا بعيد الأم في بلدانكوا ؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide