Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الدرس دا حنتكلم عن يوم يعتبر اهم يوم في حياة المسلمين وهو يوم المولد النبوي الشريف. اتولد سيدنا محمد "صل الله عليه وسلم" يوم 12 من شهر ربيع الأول على التقويم الهجري.
تعالوا مع بعض نشوف اهم ملامح اليوم و ازاي بيتم الإحتفال بيه؟
تفتكروا ايه اسم السنة اللي اتولد فيها سيدنا محمد "صلى الله عليه و سلم" ؟
حنوريكم الحل نهاية الفديو دا
يعتبر المولد النبوي اجازة رسمية في معظم البلدان العربية و لأن يوم المولد النبوي بيعتمد على التقويم الهجري فبرده ميعاد الأجازة بيختلف من سنة للتانية . في الناحية التانية في بلدان مابتعتبروش عيد و مابيكنش عندهم اجازة رسمية ولكن بيحتفلوا بيه كفرحة بولادة النبي رسول الله "صل الله عليه وسلم"
الرسول محمد "صل الله عليه وسلم" نفسه عمره ماحتفل بيوم ميلاده الا انه كان بيصوم اليوم دا بس و لكنتعبيرا لحب المسلمين ليه بيتم الإحتفال بيه حاليا. من مظاهر الإحتفال إقامة مجالس ينشد فيها قصايد مدح النبي، ويكون فيها دروس من سيرته، وذكر صفاته وخلقه.
تفتكروا ايه اهم ملامح الإحتفال بالمولد في مصر؟ مصر بتشتهر في المولد بحلاوة المولد و هي نوع من الحلويات أدخلها الفاطمين وساعدوا في نشرها عشان يبقى فيه حلويات لكل مناسبة في البلد كنوع من التقرب السياسي من المصريين. حلاة المولد ليها عدة أنواع وأشكال زي الملبن والفولية والفستقية والبندقية واللوزية والحمصية والسمسمية واللديدة.
من كتر حب المصريين في اليوم دا, الفنانيين المصريين عملوا عمل فني للأطفال سموه الليلة الكبيرة . الليلة الكبيرة هو أشهر اوبريت شعبى مصرى بعرايس الماريونيت اتقدم على مسرح العرايس بيوصف المولد الشعبى فى مصر.
ودلوقتي نشوف مع بعض حل السؤال اللي سألناه من شويه
تفتكروا ايه اسم السنة اللي اتولد فيها سيدنا محمد "صل الله عليه و سلم" ؟
بيطلق على السنة اللي اتولد فيها سيدنا محمد "صل الله عليه و سلم" عام الفيل و دا لأن في السنة دي حاول ملك اليمن أبرهة الحبشي انه يهدم الكعبة باستخدام الفيلة و لكنه ماقدرش علشان الله سبحانه و تعالى بعت طيور شايلة حجارة من نار جهنم رمتها على جيش ابرهة فاتغلب الجيش.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانتوا كمان ابعتوا قولولنا هل في اعياد مشابهة للمولد النبوي في بلدانكوا؟
نرحب بتعليقاتكم على ArabicPod101.com
اشوفكم الحلقة الجاية !

Comments

Hide