Dialogue

Vocabulary

Learn New Words FAST with this Lesson’s Vocab Review List

Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.

Or sign up using Facebook
Already a Member?

Lesson Transcript

اعزائي المشاهدين اهلا بكم.
انا بريهان
في الدرس دا حنتكلم عن يوم جميل بيفكرنا كل سنة بنعمةالأم و الأب و هو يوم اليتيم. يوم اليتيم في مصر بيكون اول جمعة من شهر ابريل ، بتكتر فية الزيارات لدور الأيتام والملاجىء في محاولة مننا اننا نحسس الأيتام و خاصة الأطفال انهم مش لوحدهم.
يلا بينا نتعرف على معلومات اكتر عن اليوم الجميل دا وازاي المصريين بيقضوه!
تفتكروا امتى ابتدا اول احتفال بيوم اليتيم في مصر ؟
حنوريكم الحل نهاية الفديو دا
بدأت الفكرة في مصر بواحد من متطوعين جمعية مشهورة في مصر للأيتام اسمها جمعية الأورمان، قرر المتطوع دا انه يجمع عدد كبير من الأيتام و يعملهم حفلة كبيرة علشان يفرحهم، بعدها اتبنت جمعية الأورمان نفسها الإحتفال دا واحتفلت بخمسة آلاف يتيم في محاولة منهم انهم يخففوا عنهم آلام اليتم و ينسوهم ظروف المعيشة القاسية.
اما عرفت الحكومة المصرية بموضوع يوم اليتيم قررت وزارة التضامن الإجتماعي دعم الحفلة السنوية للأيتام وكمان كسب الموضوع اهتمام و دعم عمرو موسى اللي كان الأمين العام لجامعة الدول العربية وقتها. طبعا دا بالإضافة لدعم و تأييد كتير من الفنانين و الإعلاميين و الرياضيين.
تبنت شركة إعلانات مشهورة في مصر حملة إعلانات ضخمة للتوعية بيوم اليتيم و لدعوة الناس بالمشاركة في اليوم دا بأنهم يزورا دور الأيتام و يكتروا من التبرعات. الحملة كان ليها صدى كبير لدرجة ان في دول عربية بتفكر انها تحتفل في نفس اليوم بيوم اليتيم عندهم برده.
الملاهي في اليوم دا بتعمل تذاكر مخفضة للأطفال الأيتام و كمان كتير من المغنيين بيعملوا حفلات ببلاش علشان يفرحوا مع الأطفال.
ودلوقتي نشوف مع بعض حل السؤال اللي سألناه من شويه
تفتكروا امتى ابتدا اول احتفال بيوم اليتيم في مصر ؟
ابتدا اول احتفال بيوم اليتيم في مصر في سنة ٢٠٠٤ يعنى بقالنا اتناشر سنة بتحتفل بيه من و قت ما اتبنت جمعيه الأورمان الجفلة السنوبة للأيتام. مؤخرا ابتدى الإحتفال ينتشر لدول عربية كتيرة عن طريق جامعة الدول العربية اللي بتدعم الإحتفال دا و بتروج ليه.
ايه رايكم في درس النهاردة ؟ هل اتعلمتوا شيء جديد و مثيرللإهتمام؟
وانتو كمان ابعتوا قولولنا هل عندكوا يوم خاص بالايتام في بلدكوا ؟
نرحب بتعليقاتكم على ArabicPod101.com
اشوفكم الحلقة الجاية !

1 Comment

Hide
Please to leave a comment.
😄 😞 😳 😁 😒 😎 😠 😆 😅 😜 😉 😭 😇 😴 😮 😈 ❤️️ 👍

ArabicPod101.com Verified
Friday at 06:30 PM
Pinned Comment
Your comment is awaiting moderation.

وانتو كمان ابعتوا قولولنا هل عندكوا يوم خاص بالايتام في بلدكوا ؟

Send us messages telling us - do you have a special day for orphans in your country?