Learn all about the Fast-Breaking Feast
Get a breakdown of the dialogue and translations instantly with the Premium line-by-line Audio. Sign up for your Free Lifetime Account Now and get 7 Days of Premium Access including this feature.
Get this lesson’s key vocab, their translations and pronunciations. Sign up for your Free Lifetime Account Now and get 7 Days of Premium Access including this feature.
| اعزائي المشاهدين اهلا بكم. |
| انا بريهان |
| في الدرس دا حنتكلم عن عيد الفطر وهو واحد من اهم عيدين عند الأمة الإسلامية. عيد الفطر بييجي بعد 30 يوم صيام شهر رمضان الكريم علشان كدا بيستناه المسلمين للإحتفال بمجهودهم خلال الشهر دا من صيام و صلاة و طاعة. |
| في درس النهاردة حنتعرف مع بعض على ازاي المصريين بيقضوا ايام عيد الفطر المبارك |
| تفتكروا اغلب المصريين بيتغدوا ايه اول يوم في العيد ؟ |
| حنوريكم الحل نهاية الفديو دا |
| عيد الفطر بيطلق عليه برده في بعص الدول زي مصر العيد الصغير و دا لأن مدة العيد دا 3 ايام بس اما عيد الأضحى اللي بيطلق عليه العيد الكبير فبيكون مدته 4 ايام. ولأن معظم المناسابات في مصر مرتبطة بالأكل فالعيد الصغير برده بيطلق عليه عيد الكحك. في عيد الفطر بتحرص كل الأسر على عمل الكحك و البسكوت و البيتي فور و تجهيزهم من قبل العيد باسبوع أوأكتر. |
| تفتكروا ايه اكتر حاجة بيستناها الأطفال في عيد الفطر ؟ في مصر عادة عند الأسر و هي ان كل اسرة بتدي لأطفال الأسرة الأخرى عيدية اول ايام العيد. بيفرح الأطفال جدا بالعيدية و بيستنوها كل عيد علشان يشتروا بيها حلويات و بمب و صواريخ. |
| من اهم الأحداث اول ايام العيد هي صلاة العيد. صلاة العيد هي صلاة تطوعية و لكن بيحرص اغلب الناس على صلاتها ودا لأن ثوابها كبير جدا. بيستمتع الناس كلهم بالصلاة في الجناين و ساحات الجوامع الخارجية في الهواء الطلق مع الأهل والأصحاب. |
| اغلب الشباب في ليلة العيد بيسهروا طول الليل منتظرين صلاة الفجر و صلاة العيد اللي غالبا بتكون مابين الساعة 5 ل 6 صباحا. وعشان اغلب الشباب بيبقوا سهرانين, بتفضل النوادي و المحلات التجارية فاتحة لحد الصبح. |
| ودلوقتي نشوف مع بعض حل السؤال اللي سألناه من شويه |
| تفتكروا اغلب المصريين بيتغدوا ايه اول يوم في العيد ؟ |
| زي ماحنا عارفين عيد الفطر بيبقى قبلة شهر رمضان المبارك و علشان الناس ماتعطش في نهار رمضان بيفضل الناس الإبتعاد عن اي اكل في ملح او اي اكل بيعطش زي المأكولات البحرية طول شهر رمضان , عشان كدا اول مابيخلص رمضان بيفضل اغلب المصريين انهم يتغدوا على الأسماك و المأكولات البحرية الجميلة اللي بتبقى وحشاهم. |
| ايه رايكم في درس النهاردة ؟ هل اتعلمتوا شيء جديد و مثيرللإهتمام؟ |
| يلا و انتوا كمان قولونا هل عندكوا عيد بتاكلوا فيه كحك زي عيد الفطر؟ |
| نرحب بتعليقاتكم على ArabicPod101.com |
| اشوفكم الحلقة الجاية ! |
Comments
Hide